Is gníomhaireacht stáit í TII faoi choimirce na Roinne Iompair, a oibríonn ar leibhéal náisiúnta agus réigiúnach araon, i gcomhpháirtíocht le hÚdaráis Áitiúla maidir le bóithre náisiúnta agus féarbhealaí, agus leis an Údarás Náisiúnta Iompair (NTA) maidir le hiarnród éadrom agus meitreo.
Bunaíodh TII trí chumasc idir an tÚdarás um Bóithre Náisiúnta (NRA) agus an Ghníomhaireacht um Fháil Iarnród (RPA) faoi Acht na mBóithre 2015, agus bunaíodh é chun gréasáin iarnróid éadroim agus bóithre náisiúnta atá sábháilte agus éifeachtach a sheachadadh agus a oibriú.
In 2021, tarmligeadh feidhmeanna breise do TII maidir le taisteal gníomhach agus féarbhealaí.
Ag TII táimid ag tógáil geilleagar níos inbhuanaithe agus cáilíocht beatha níos fearr do gach duine. Chun níos mó a fhoghlaim faoinár n-eagraíocht agus faoin obair luachmhar a dhéanaimid chun daoine agus earraí a choinneáil ag gluaiseacht go sábháilte agus go hiontaofa gach lá, cliceáil ar ár bhfíseán faisnéise thíos.
06/12/2024
13/11/2024
31/10/2024
23/10/2024
Is treoirthionscadal taighde é Meastacháin um Shoghluaisteacht agus Luach Taobh Amuigh (MOVE) idir Fáilte Éireann agus BIÉ, le tacaíocht ó chomhairleoirí AECOM. Is éard atá i gceist leis an tionscadal ná sonraí a bhailiú maidir le bonneagar taistil ghníomhaigh taobh amuigh in Éirinn agus fócas ar leith á leagan ar ghlasbhealaí. Tá clár suirbhéanna agus comhaireamh idircheapa ar bun chun próifíl agus roghanna úsáideoirí glasbhealaí in Éirinn a thuiscint.
Chun bheith ag teacht leis an gceiliúradh ar 20 bliain den Luas, d’fhoilsigh BIÉTuarascáil maidir leis na Sochair a bhaineann leis an Luas 2024 4 i ndáil leis an ionchur dearfach a bhí ag an Luas ar an saol maireachtála, oibre agus sóisialta i mBaile Átha Cliath le fiche bliain anuas.
Tá sé cruthaithe go raibh an Luas ina thionscadal bonneagair suaitheanta in Éirinn, agus rinneadh beart de réir briathair leis i rith an ama agus é in am agus faoin mbuiséad. Leis an tuarascáil soláthraítear tuiscint ar a bhfuil indéanta le hiompar poiblí astaíochtaí nialasacha atá ar ardchaighdeán agus inrochtana a sholáthar, agus tarraingítear aird léi freisin ar an tionchar dearfach a bhí ag an Luas chun fás comhdhlúth, beocht eacnamaíoch agus shóisialta, agus soghluaisteacht inbhuanaithe a chumasú.
Bhí an Luas ina chatalaíoch chun príomhchathair atá níos inbhuanaithe, níos nasctha agus níos táirgiúla a chruthú. Leis sin atarraingíodh léarscáil Bhaile Átha Cliath, athraíodh saoil daoine ó bhonn agus cuireadh feabhas ar chaighdeán na beatha dóibh sin a bhfreastalaíonn sé orthu. Nascann an Luas pobail agus áiteanna, tacaíonn sé le forbairt agus fás nua a sholáthar, agus soláthraíonn sé nasc ardchaighdeáin do phríomhionaid eacnamaíocha ar fud an réigiúin. Rinne an Luas beart de réir briathair do phobal agus geilleagar Bhaile Átha Cliath, agus ba é a bhí mar an t-inneall taobh thiar d’fhás eacnamaíoch na hÉireann.
Tá sraith meastóireachtaí tionchair seachbhóthair á déanamh ag BIÉ chun tuiscint a fháil ar na tionchair i mbailte agus sráidbhailte áitiúla a sheachnaítear le tionscadail bóithre a mhaoinítear le BIÉ. Leo sin breathnaítear ar thionchair ar líonta feithiclí, modhanna mótarthrealmhaithe agus gníomhacha, gnólachtaí áitiúla, inrochtaineacht agus ionchuimsiú sóisialta, sábháilteacht agus an timpeallacht áitiúil. Maidir leis an gcéad chomparáid ar shonraí ó bhliain amháin i ndiaidh oscailt na seach-chonaire in aghaidh sonraí bonnlíne, do bhaile Mhaigh Chromtha i gContae Chorcaí, tá sí críochnaithe anois agus déantar tuairisciú uirthi i ‘Meastóireachtaí Tionchair Seach-chonaire BIÉ – Maigh Chromtha’.
Le cuspóirí straitéiseacha BIÉ áirítear oibriú agus cothabháil leanúnach an bhonneagair gréasáin iompair atá ann cheana.
Is é an Creat Pleanála Náisiúnta plean straitéiseach an Rialtais chun fás agus forbairt a mhúnlú amach anseo
