Ráiteas Straitéise BIÉ

Is ag Bord BIÉ atá an t-údarás deiridh do Ráiteas Straitéise 2021-2025 BIÉ, lena leagtar síos treoir na heagraíochta. Agus Ráiteas Straitéise nua á cheapadh, cuireann an Bord a thosaíochtaí agus a uaillmhianta do BIÉ in iúl. Ansin, aistríonn feidhmeannas agus foireann BIÉ ina Straitéis BIÉ é ansin, agus comhairliúchán agus aiseolas leanúnach ann ón mBord sula nglacann an Bord an straitéis ar deireadh.

Mar a leagtar amach inár ráiteas reatha, Ráiteas Straitéise 2021-2025, táimid tiomanta do na spriocanna seo a leanas, spriocanna a sainaithníodh mar spriocanna atá tacúil lenár gcuspóir, agus ár bhfís agus ár mbunluachanna á n-aithint:

Dul i mbun plé agus comhoibriú, i gcomhpháirtíocht éifeachtach le páirtithe seachtracha, idir náisiúnta agus idirnáisiúnta, chun tacú lenár straitéis a bhaint amach.

Dea-chleachtas sa rialachas agus sa chaoi a dtugaimid faoinár ngnó in BIÉ a chur chun feidhme, ardchaighdeán gairmiúlachta, comhlíonta agus dearbhaithe a bhaint amach, agus luach ar airgead a dhaingniú i ngach a ndéanaimid.

An gréasán bóithre náisiúnta agus an bonneagar iarnróid éadroim a oibriú, a chothabháil agus a leathnú chun sábháilteacht agus éifeachtúlacht ár ngréasán iompair a áirithiú, bainistíocht iomchuí ar acmhainní comhshaoil a áirithiú agus rannchuidiú leis an aistriú chuig sochaí ísealcharbóin atá seasmhach ó thaobh na haeráide.

Bonneagar náisiúnta bóithre, iarnróid éadroim, meitreo agus Taistil Ghníomhaigh a sholáthar, rud atá ina rannchuidiú le borradh dlúth, soghluaisteacht inbhuanaithe, inrochtaineacht réigiúnach fheabhsaithe agus leis an aistriú chuig todhchaí ísealcharbóin.

Córais iarnróid éadroim, dola agus rialaithe tráchta BIÉ a oibriú agus rannchuidiú le leictriú agus digitiú iompair, rud a rachaidh chun tairbhe dár gcustaiméirí agus rud a bheidh ina rannchuidiú le soghluaisteacht agus dícharbónú iompair.

Riosca agus líon na n-imbhuailtí, na ngortuithe agus na mbásanna ar ár mbonneagar iarnróid éadroim agus bóithre a laghdú.

Cumas ár bpobail a chothabháil, a fheabhsú agus a chur chun tairbhe, agus luachanna BIÉ á gcur chun cinn, chun a áirithiú go mbainfear amach ár spriocanna.