Faisnéis ón Earnáil Phoiblí a Athúsáid

Rialacháin na gComhphobal Eorpach (Faisnéis ón Earnáil Phoiblí a Athúsáid), 2015 (I.R. 525 de 2015)

Le Rialacháin na gComhphobal Eorpach (Faisnéis ón Earnáil Phoiblí a Athúsáid (FEP)), 2005 (arna leasú le I.R. 103/2008 agus I.R. 525/2015) cruthaítear creat reachtúil d’athúsáid faisnéis, atá ann cheana féin i seilbh chomhlachtaí na hearnála poiblí, ag gnóthais agus saoránaigh.  Foráiltear leis na Rialacháin FEP d’fhaisnéis a eisiúint, i bhformáid nó i dteanga ina bhfuil sí cheana féin lena hathúsáid, agus ní bhaineann sé le faisnéis a bhfuil gá le hobair shuntasach a dhéanamh uirthi chun í a ullmhú lena heisiúint ar mhaithe lena hathúsáid. 

Faisnéis a Athúsáid

Cloíonn TII leis na Rialacháin FEP agus déanaimid athúsáid as an bhfaisnéis a thairgimid a spreagadh.  Cuimsíonn athúsáid, cóipeáil, mionathrú, aistriú, oiriúnú, dáileadh, nó an fhaisnéis a úsáid in aon slí eile i meán, modh nó i bhformáid ar bith chun críche dleathaí.  Cuimsítear leis seo freisin, críocha tráchtála agus neamhthráchtála.

Tá sonraí na faisnéise atá ar shuíomh Gréasáin Bhonneagar Iompair Éireann suite anseo:

 

Liosta Faisnéise na hEarnála Poiblí

 

Rinneadh gach iarracht a chinntiú go mbíonn na sonraí ábhartha suas chun dáta agus saor ó earráidí, ní bheidh dliteanas ar TII áfach mura mbíonn.

Ní bheidh dliteanas ar Bhonneagar Iompair Éireann i ndáil le haon chaillteanais, speansais, costais, éilimh, damáistí ná le dliteanas i ndáil leis an bhfaisnéis a athúsáid. 

Ceadúnas FEP

Aon fhaisnéis a eiseofar beidh sí faoi réir ag téarmaí agus coinníollacha Ceadúnais Shannta Creative Commons (CC-BY 4.0). Ní mór d’úsáideoirí aitheantas a thabhairt do TII mar fhoinse faisnéise agus ní mór an ráiteas sannta seo a úsáid: “Cuimsítear ann Faisnéis ón Earnáil Phoiblí ceadúnaithe faoi Cheadúnas Sannta Creative Commons 4.0 Idirnáisiúnta (CC BY 4.0)”.

Ní bhronntar leis an gceadúnas seo aon cheart ar úsáideoirí na nithe seo a úsáid:

  • faisnéis phearsanta, mura mbíonn sé anaithnid go leor agus/nó comhiomlánaithe;
  • cearta tríú páirtí agus cearta maoine intleachtúla nach bhfuil TII údaraithe a cheadúnú, ach ní teoranta do, paitinní, cóipcheart, cearta bunachar sonraí nó trádmharcanna;
  • ainmneacha, suaitheantais, lógónna, nó aon siombailí oifigiúla eile TII.

Is faoi chóipcheart Bhonneagar Iompair Éireann é aon fhaisnéis atá ar ár suíomh gréasáin mura dtugtar a mhalairt le fios.

Cearta Eisiacha a Dheonú

Ní údaraíonn TII cearta eisiacha ar úsáideoir ar bith a fhaisnéis a athúsáid mura measann TII é a bheith riachtanach d’fhoráil seirbhíse atá chun leas an phobail.

Iarratas FEP a Dhéanamh

Ba cheart iarratais i ndáil le Rialacháin FEP a dhéanamh i scríbhinn go dtí:

Aonad Rialála & Riaracháin,
Ionad Gnó Gheata na Páirce, 
Sráid Gheata na Páirce, 
Baile Átha Cliath 8, 
D08 DK10.

 

Nó, is féidir iarratais a chur chugainne ar ríomhphost go dtí info@tii.ie.

Ba cheart duit a chur in iúl go soiléir go bhfuil an t-iarratas á dhéanamh faoi Rialacháin FEP.   Le haon iarratas i dteanga eile seachas an Ghaeilge nó Béarla ní mór aistriúchán Gaeilge nó Béarla a chur in éineacht leis.  Bí chomh sonrach agus is féidir, le do thoil, agus d’iarratas á dhéanamh agat, chun cuidiú le foireann BIÉ d’iarratas a phróiseáil.  Ina theannta sin, tabhair, le do thoil, uimhir theagmhála lae dúinn ionas go mbeimid in ann teagmháil leat má bhíonn gá le haon ní a shoiléiriú maidir le d’iarratas.

I gcomhréir le forálacha an Achta, freagraítear iarratais FEP de ghnáth laistigh de 20 lá oibre tar éis iad a fháil.  I gcás ina mbíonn, de dheasca mhéid nó chastacht an iarratais, gá le níos mó ná 20 lá oibre ón uair a fhaightear an t-iarratas chun é a phróiseáil, cuirfidh TII ar an eolas tú faoi laistigh de thrí seachtaine tar éis dúinn an t-iarratas a fháil. I gcás dá leithéid, freagróidh TII an t-iarratas laistigh de 40 lá oibre tar éis dúinn an t-iarratas a fháil. 

Táillí

De ghnáth bíonn aon fhaisnéis a sholáthraíonn TII faoi Rialacháin FEP saor ó tháillí.  I gcúinsí eisceachtúla áfach, mar shampla, mura mbíonn an fhaisnéis a lorgaíodh ar fáil go héasca, d’fhéadfaí costas imeallach a ghearradh chun go gcuirfear na costais a tabhaíodh á hatairgeadh, á soláthar agus á scaipeadh san áireamh. 

Achomharc chun an Choimisinéara Faisnéise

Foráiltear leis na Rialacháin FEP do shás achomhairc reachtúil lena bhféadfaidh tú achomharc a dhéanamh i gcoinne:

  • cinneadh TII diúltú d’athúsáid doiciméid,
  • cinneadh TII diúltú ceart eisiach a dheonú chun doiciméad a athúsáid,
  • táille a ghearradh ar dhoiciméad a athúsáid,
  • méid an táille a gearradh, nó
  • aon choinníollacha maidir lena athúsáid arna gcur i bhfeidhm ag TII.

Déantar aon achomharc laistigh de 4 seachtaine i scríbhinn go dtí Oifig an Choimisinéara Faisnéise. Déanfaidh an Coimisinéir Faisnéise fiosrúchán iomlán ar an gcúram agus déanfaidh é a mheas sula ndéanfaidh sé cinneadh. Ba cheart achomhairc a sheoladh go dtí:

Oifig an Choimisinéara Faisnéise,
6 Ardán Phort an Iarla, 
Baile Átha Cliath 2, 
D02 W773

Fón: +353 1 639 5689
Ríomhphost:  info@oic.ie