Méadú ar Tháillí Dola ó 1 Eanáir 2025

Tá deich mbóthar dola ar an nGréasán Bóithre Náisiúnta. Oibrítear ocht gcinn faoi shamhail “Comhpháirtíocht Phríobháideach Phoiblí” (CPP) agus oibrítear dhá cheann go díreach thar ceann Bhonneagar Iompair Éireann (BIÉ), is é sin dola M50-eFLow gan bhacainn, agus Tollán Chalafort Bhaile Átha Cliath.
Rialaítear méid na ndolaí a ghearrtar ar an nGréasán Bóithre Náisiúnta trí shásra coigeartaithe boilscithe (praghasinnéacs tomhaltóirí - CPI) mar a leagtar amach sna Fodhlíthe um Dhola, rud a chiallaíonn nach féidir méadú ar dholaí thar thionchar an bhoilscithe, dá réir sin an téarma “Uasdola Incheadaithe”. Sna cairteacha thíos taispeántar méadú an dola de réir aicme feithicle agus dola-scéime / bóthair.
Tar éis an figiúr CPI de 1.7% a bhaineann le Lúnasa 2023 go Lúnasa 2024 a chur i bhfeidhm, méadófar ar rátaí dola áirithe, atá inmhuirir thar na hocht mbóthar dola CPP agus an dá bhóthar dola BIÉ ar an nGréasán Bóithre Náisiúnta, ó 1 Eanáir 2025.
Tugtar an t-ioncam dola a bhailíonn BIÉ le chéile le cistiúchán an Státchiste chun íoc as cosaint agus athchóiriú na mbóithre náisiúnta gach bliain.
D’fhaomh Bord BIÉ na méaduithe dola sin don bhliain 2025 le haghaidh Thollán Chalafort Bhaile Átha Cliath agus an M50 agus dheimhnigh siad an comhaontú conartha maidir leis an méadú ar na dolaí do na hocht ndola-scéim CPP
M50 níl aon mhéadú le haghaidh gluaisteáin atá cláraithe le clib nó cuntas físe.
M50 tá méadú 10 cent le haghaidh gluaisteáin, busanna, cóistí, agus feithiclí earraí éadroma nach bhfuil clib nó cuntas físe acu.
M50 beidh méadú 10 cent le haghaidh feithiclí earraí troma (HGVanna) os cionn 10,000kg le clib agus cuntas físe, agus beidh méadú 20 cent le haghaidh HGVanna nach bhfuil cláraithe agus nach bhfuil clib nó cuntas físe acu.
Beidh méadú €1 i dTollán Chalafort Bhaile Átha Cliath le haghaidh trácht atá ag dul ó dheas le linn bhuaicthréimhse na maidine (i dtreo Chalafort Bhaile Átha Cliath), is ionann agus méadú dola ó €12 go €13. Tá an méadú dola ag teastáil chun acmhainneacht a chaomhnú le haghaidh HGVanna. Tá saorthaisteal ag HGVanna trí Chalafort Bhaile Átha Cliath i gcónaí.
Ní bheidh aon athrú ar na dolaí eile ag Tollán Chalafort Bhaile Átha Cliath in 2025.
Ar na hocht mbóthar dola CPP tá méadú 10 cent le haghaidh busanna, cóistí agus HGVanna, seachas ar an M3, áit nach mbeidh aon athrú ar na dolaí le haghaidh HGVanna nach mó ná 3,500kg. Chomh maith leis sin, ar an M4 Cill Choca go Cionn Átha Gad, beidh méadú 20 cent le haghaidh feithiclí earraí troma is mó ná 3,500kg.
Le haghaidh gluaisteáin ar na hocht mbóthar dola CPP (M1, M3, M4, N6, M7/M8, M8, N18 Tollán Luimnigh, agus N25 Port Láirge) níl aon mhéadú, seachas ar an M4 Cill Choca go Cionn Átha Gad tá méadú 10 cent.

Bóthar Dola M50

Tháinig méadú 1.7% ar an CPI idir Lúnasa 2023 agus Lúnasa 2024, agus mar thoradh ar an méadú sin tá méadú ar na dolaí inmhuirir le haghaidh úsáideoirí an M50 mar a leagtar amach i dTábla 1.
Ní bhaineann CBL le Dolaí an M50.

Tábla 1 M50 - Uasdolaí/Dolaí is Infheidhme 2025

Lamháltóirí Dola Príobháideacha Poiblí (CPP): Ocht lamháltóir dola CPP ar fud na tíre.

Tá a n-áirimh maidir le táillí dola curtha isteach ag na comhlachtaí CPP mar chuid dá bPleananna Bliantúla um Dhola. Tá na háirimh sin faighte ag BIÉ agus aontaíonn siad go bhfuil na táillí dola molta don bhliain 2025 laistigh de na teorainneacha a leagtar amach sna Fodhlíthe um Dhola. I dTábla 2 leagtar amach na táillí dola a ríomhadh don bhliain 2025 le haghaidh na n-ocht scéim lamháltais dola CPP. Áirítear CBL @23% leis na táillí dola. Tháinig méadú 1.7% ar an CPI idir Lúnasa 2023 agus Lúnasa 2024, agus mar thoradh air sin tá méadú ar dholaí le haghaidh roinnt catagóirí feithicle ar bhóithre lamháltais dola.

Tábla 2 Lamháltas dola CPP - Uasdolaí/Dolaí Cuí 2025

Tollán Bhaile Átha Cliath

Tá sé i gceist leis na socruithe dola ag Tollán Chalafort Bhaile Átha Cliath go mbeifear in ann dul i ngleic leis an éileamh le linn buaicthréimhsí agus go gcinnteofar nach gcuirfeadh tráchtas agus brú tráchta breise aon bhac ar ghluaiseachtaí HGVanna go Calafort Bhaile Átha Cliath agus amach uaidh (taistealaíonn HGVanna saor in aisce trí Thollán Chalafort Bhaile Átha Cliath).
Mar a leagtar amach anseo thuas, i bhfianaise leibhéil bhreise an tráchta a úsáideann Tollán Chalafort Bhaile Átha Cliath ag dul ó dheas le linn bhuaicthréimhse na maidine, méadóidh BIÉ na dolaí le linn na buaicthréimhse sin ó €12 go €13 le haghaidh tráchtas ag dul i dtreo na cathrach. Ní bheidh aon athrú ar tháillí seachbhuaice i gcomparáid le rátaí 2024.

Tollán Chalafort Bhaile Átha Cliath - Dolaí Cuí 2025