Aonad Tionscadal Breoslaí Malartacha
In 2023 leathnaíodh freagrachtaí BIÉ chun go n-áireofaí bonneagar athluchtaithe feithiclí leictreacha agus athbhreoslaithe breoslaí malartacha a sholáthar.
Faoin Acht um Thrácht ar Bhóithre agus um Bóithre, 2023, tacóidh BIÉ le gréasán sábháilte agus éifeachtúil de bhonneagar athluchtaithe agus athbhreoslaithe a sholáthar d’fheithiclí astaíochtaí nialasacha go hastaíochtaí ísle. Leis sin tacaítear le hÉirinn chun ár ngealltanais faoin Rialachán maidir le hImscaradh Bonneagair Breoslaí Malartacha (AFIR) a chomhlíonadh mar atá leagtha amach ag an Aontas Eorpach. Is é is aidhm do AFIR úsáid breoslaí malartacha a chur chun cinn le haghaidh iompair, lena n-áirítear feithiclí leictreacha agus hidrigine, ach an méid stáisiún athluchtaithe agus athbhreoslaithe a mhéadú ar fud an Aontais.
Leis an Aonad Tionscadal Breoslaí Malartacha ag BIÉ dírítear ar phleanáil chun trí phríomhghné de bhonneagar todhchaí a sholáthar:
- Athluchtú feithiclí leictreacha ar bord do ghluaisteáin agus veaineanna (LDVanna).
- Athluchtú feithiclí leictreacha ar bord d’fheithiclí tromshaothair (HDVanna) amhail leoraithe agus busanna.
- Stáisiúin athbhreoslaithe hidrigine ar bord d’fheithiclí tromshaothair (HDVanna) amhail leoraithe agus busanna.
I mí Feabhra 2024, seoladh an chéad scéim bonneagair faoin aonad seo. Agus í maoinithe ag ár gcomhpháirtí Feithiclí Astaíochtaí Nialasacha Éireann, is é is aidhm do Scéim Deontais ZEVI maidir le Bonneagar Luchtaithe LDV ar Bord soláthar comhthiomsuithe athluchtaithe ardchumhachta a dhreasú feadh príomhbhóithre.
![EV charging](/media/ga4aq1im/nr4qtiwv08er4fvbprjtnl5zzm62w64.jpg?rmode=max&width=500&height=375)
Ina theannta sin, tá BIÉ ag obair chun tacú le dícharbónú na hearnála lastais trí dhreasachtaí do HDVanna de chineál leictreach agus breosla mhalartaigh tríd an Scéim Deontais chun Feithiclí Tromshaothair Astaíochtaí Nialasacha a cheannach..