Bainistiú Gréasáin - Bainistiú Sócmhainní (Pábháil)

Tá an tÚdarás freagrach as cothabháil agus as forbairt tacar éagsúil sócmhainní bóthair ina bhfuil an ghné is bunúsaí de - pábháil an bhóthair. Níl na pábhálacha gréasáin ar fad mar a chéile, tá níos mó ná 5,300 ciliméadar lár líne de bhóithre sa ghréasán pábháile náisiúnta. Tá 33 bealach Príomhbhealach Náisiúnta agus 32 Bealach Náisiúnta den Dara Grád ann. Tá ár bpábhálacha bóthair déanta den chuid is mó de shraitheanna d’ábhair sholúbtha a dearadh le go mbeidís láidir go leor chun na lódanna a iompar le linn a dtréimhse saoil (c. 20-40 bliain). Anuas air sin, ní foláir go mbeadh friotaíocht leordhóthanach in aghaidh sciorradh sa bhfliuchas, cáilíocht réasúnta marcaíochta ar chúrsa an dromchla agus go nginfeadh sé leibhéil réasúnta torainn agus go mbeadh sé in ann cur in aghaidh meathlú a chothaíonn drochdhálaí timpeallachta.

Tá éagsúlacht mhór sa ghréasán faoi roinnt cheannlínte, lena n-áirítear tógáil pábháile, aois phábháile, leithead an bhealaigh, leithead lána, dearadh geoméidreach agus líon feithiclí ar an mbealach. Cuid mhaith den ghréasán is bóithre a tháinig inár seilbh iad arbh fhéidir gur bhealaí stairiúla iad tráth agus ar minic iad srianta ag cúinsí fisiceacha nó timpeallachta.

Tá gréasán bóithre againn le hoidhreacht nó tógtha againn de thart faoi 5400km ach mar a bhíonn le sócmhainn ar bith tagann meath orthu.

• Is ceann de na gníomhaíochtaí eacnamaíocha is tábhachtaí iad na gréasáin bhóithre i sochaithe nua-aimseartha tionsclaíocha agus bíonn gá acu le hinfheistiú an-mhór ó chiste an stáit.
• Chun an infheistíocht seo a chosaint, tá gá le suim mhór airgid chun bail shásúil ar na gréasáin sin a chothú agus a chothabháil
• Ta an méid sin féin ag éirí níos casta de bharr cistí teoranta anuas ar an meathlú leanúnach a thagann ar struchtúir na bpábhálacha de bharr tosca timpeallachta agus ualach méadaithe tráchta.

Leis an méid sin ar fad tá áisíneachtaí tar éis díriú isteach ar nósanna imeachta nó straitéisí níos fearr i gcomhair chothabháil agus athshlánú na bpábhálacha atá ann cheana. Tagann meathlú ar gach pábháil le himeacht ama de thoradh ar lódáil leantach ón trácht agus ó iomlat teochta agus taise. Faoi mar a thagann meathlú orthu, bíonn comharthaí díghrádaithe feidhmiúla le feiceáil orthu a ndéantar a thomhas mar chuid de shuirbhé bliantúil ar rátáil baile. Orthu sin tá:

•Sclagadh rian rothaí

•Méadú ar ghairbhe

•Scoilteadh

•Cailliúint friotaíocht sciorrtha

Ag cloí le prionsabail bhainistíochta sócmhainní agus trí Chóras Bainistíochta Pábháile iomlán feidhmiúil a úsáid déantar samhlú ar theacht agus ar fhorbairt na gcomharthaí seo ag baint úsáid as gaoil algartamacha a thuarann ráta an díghrádaithe.

Déantar Cothabháil Pábháile ar an ngréasán bóithre leis na príomhchuspóirí seo a leanas:

1. Lena chinntiú ar bhonn lá go lá go bhfuil bail mhaith oibríochta á coimeád ar an ngréasán.
2. Lena chinntiú go gcoimeádtar moilliú agus cur as d’úsaideoirí bóithre ag an leibhéal is ísle dar féidir trí bhainistiú éifeachtach ar an ngréasán.
3. Lena chinntiú nach ligtear do luach sócmhainne an ghréasáin a dhíghrádú. Chun an méid seo a bhaint amach, tá gá le réimis athshlánaithe bhliantúla agus ilbhliantúla lena chinntiú go ndéantar an bonneagar a chothabháil agus a athnuachan go tráthúil agus mar thosaíocht de réir mar a n-imríonn bearta na timpeallachta, na haimsire agus an tráchta tionchair leantacha orthu.

Mar chuid de nósanna imeachta bhainistíocht phábháile an Údaráis, déantar suirbhé bliantúil ar ghréasán pábháile na mbóithre náisiúnta uile, ag baint úsáid as gach saghas fearais leictreonaigh, léasair agus fearas físeáin dhigitigh suiteáilte ar fheithiclí speisialaithe. Bliain i ndiaidh bliana déanann na suirbhéanna seo tomhas agus taifead ar réimse leathan raonta bail ghréasáin lena n-áirítear fadphróifíl gairbhe, leibhéal sclagtha agus tomhas ar fhriotaíocht sciorrtha. Déantar na sonraí ó na suirbhéanna meaisínbhunaithe seo atá geo-thagartha a thaifead laistigh den Chóras Bainistíochta Pábháile. Sa tslí sin is féidir an banc sonraí a úsáid chun taifead cruinn a dhéanamh ar an mbail thomhaiste agus é a chur i gcomparáid le suirbhéanna a rinneadh cheana ar an suíomh sin. Mar aon leis an taifead ar líon feithiclí is féidir an ráta díghrádaithe a fhortheilgean chun beartú tosaíochta ar chláir chothabhála a bhunú bunaithe ar phrionsabail dea-chleachtas bainistíochta sócmhainní.

Léiríonn na cuair scéimreacha meathlaithe thuas ní amháin go dtagann meath ar an bpábháil le himeacht ama ach go leanann sé ag meath fiú tar éis idirghabháil ar scála ar bith.

Leis na sonraí a bailíodh ó na suirbhéanna corpraíonn an Córas Bainistíocht Pabháile bogearraí a dearadh go speisialta lena n-úsáid in uirlisí anailíse agus tuartha le haghaidh tuar a dhéanamh ar staid reatha agus staid sa todhchaí agus don fhaid eile a mhairfidh sé. Áirítear leis freisin módúil chun cabhrú le hanailís costais feadh saoil lena chothabháil agus lena thógáil, múnlaí meathlaithe, measúnú ar luach na sócmhainne, anailís rioscabhunaithe, agus beartú tosaíochta de réir straitéisí agus an bhuiséid atá ar fáil. Go bunúsach aistríonn an PMS na sonraí staide go faisnéis bainistíochta.

Dá láidre an idirghabháil is ea is costasaí í agus úsáideann an PMS Anailís Costas Saolré dá bharr sin chun a dheimniú conas, cén áit agus cathain an phábháil a athnuachan chun an tairbhe is fearr a bhaint as an mbuiséad atá ar fáil.