An N17/N18 ón nGort go Tuaim

Tá bóthar tionscadail Scéim CPP an N17/N18 thart ar 57 ciliméadar ar fad agus cuirtear tús leis ag an bpointe is faide ó thuaidh ar scéim an N18 ón nGort go Croisín agus tagann deireadh leis i bhfoisceacht Thuama. Tháinig Scéim CPP an N17/N18 in ionad sheachbhóithre reatha an N17 agus an N18 do bhailte Dhroichead an Chláirín, Bhaile Chláir agus Thuama, áit a mbíonn moilleanna fada ar an trácht go minic. Feabhsaíonn an tionscadal nascacht laistigh den réigiún thiar agus cabhraíonn sé go mór le forbairt gheilleagrach ar réigiúin an BMW (an Teorainn, Lár na Tíre agus an tIarthar). Feabhsaíonn an scéim teacht ar Aerfort na Sionainne agus ar Aerfort Iarthar na hÉireann, Cnoc Mhuire, a sainaithníodh mar riachtanas mór bonneagrach chun borradh tionsclaíoch a chothú sa réigiún.

Bhí na costais dearaidh agus tógála tosaigh á maoiniú ag an gcuideachta CPP, a ndéanann íocaíochtaí (tugtar Íocaíochtaí Aonadacha nó Fála orthu) a íoc, ar a uain sin, a dhéanann TII i rith théarma an chonartha tréimhse oibríochtúla breis agus fiche a cúig bliain.

Bronnadh an Conradh CPP in Aibreán 2014 ar chuibhreannas Direct Route ina bhfuil Marguerite Road Ireland S.a.r.l, Lagan Project Investments Limited, Motorway West Limited (Roadbridge), CPP Road Holdings Limited (Sisk), Road Infrastructure (Ireland) Limited agus Strabag SE (“an Chuideachta CPP”).

Cliceáil anseo, le do thoil, chun dul go dtí suíomh gréasáin na scéime.