Scéim Deontais ZEVI maidir le Bonneagar Luchtaithe
LDV EV ar Bord
Táimid ag obair lenár gcomhpháirtithe Feithiclí Astaíochtaí Nialasacha Éireann (ZEVI) chun géarú ar luas soláthair bonneagair athluchtaithe Feithiclí Leictreacha (EV) ar fud Ghréasán Bóithre Náisiúnta na hÉireann ach rannpháirtíocht a dhreasú ón earnáil phríobháideach.
Céim 1, Babhta 2
Seoladh an chéad Scéim Deontais de chuid Feithiclí Astaíochtaí Nialasacha Éireann (ZEVI) um Bonneagar Athluchtaithe Feithiclí Leictreacha do Bhóithre Náisiúnta le haghaidh Feithiclí Saothair Éadroim (LDV) go luath in 2024. I mí Iúil 2024, fógraíodh suíomhanna 17 gcomhthiomsú athluchtaithe ardchumhachta nua atá le rolladh amach faoin scéim seo.
I mí na Samhna 2024, seoladh an dara babhta faoin scéim seo chun soláthar bonneagair athluchtaithe i limistéir shonracha (foranna) a spreagadh, áiteanna nárbh fhéidir deontais a dhámhachtain sa chéad bhabhta.
- Is féidir suíomhanna na bhforanna sin a fháil sa léarscáil anseo.
- Tá tuilleadh eolais le fáil i mbileog na scéime anseo.
- Chun doiciméadacht iomlán na scéime a fheiceáil agus chun iarratas uirthi a dhéanamh, tabhair cuairt ar www.eTenders.gov.ie
Céim 2
Arna sheoladh i mí Dheireadh Fómhair 2024 i gcomhar leis an Roinn Iompair agus Feithiclí Astaíochtaí Nialasacha Éireann (ZEVI), is í an dara céim í an scéim deontais i gclár BIÉ chun dlús a chur le bonneagar athluchtaithe Feithiclí Leictreacha (EV) a fhorbairt ar fud Ghréasán Bóithre Náisiúnta na hÉireann.
Le Céim a Dó de Scéim Deontais BIÉ de chuid Feithiclí Astaíochtaí Nialasacha Éireann (ZEVI) um Bonneagar Athluchtaithe Feithiclí Leictreacha le haghaidh Feithiclí Saothair Éadroim (LDV), dírítear ar 1200km+ de bhóithre náisiúnta aonbhealaigh, leis an aidhm chun tacú le feidhmiú céimneach 300kW ar a íosmhéid de bhonneagar athluchtaithe feithiclí leictreacha ar eatraimh chothroma feadh an Ghréasáin Bóithre Náisiúnta. Leis an tionscnamh seo tairgtear deis iomaíoch don rannpháirteachas ón earnáil phríobháideach, rud a chuirfidh chun cinn an nuálaíocht agus a chuirfidh feabhas ar éifeachtúlacht agus an bonneagar athluchtaithe feithiclí leictreacha á fhorbairt.
Mionsonraí
- Dírítear an scéim ar oibreoirí stáisiún peitril / seirbhíse, úinéirí carrchlós, óstáin, ollmhargaí / ionaid mhórdhíola, agus ar aon duine a bhfuil suíomh inrochtana go poiblí acu laistigh d’achar tiomána 3km ó bhóithre na Scéime.
- Próiseas iomaíoch deontais atá sa tionscnamh, agus dámhfar é i gcomhréir le rialacha cistiúcháin Státchabhrach de minimis an Aontais Eorpaigh.
- Leis an gcabhair deontais tabharfar tacaíocht do na costais chaipitil a bhaineann le bonneagar nua athluchtaithe a shuiteáil, cistiú suas le 70% de chostais incháilithe, suas chuig uasleibhéal ceadaithe €300k.
- I measc na gcostas incháilithe faoin scéim seo tá tógáil, suiteáil, uasghrádú, nó síneadh le bonneagar athluchtaithe, chomh maith le hoibreacha innealtóireachta comhbhainteacha agus táillí toilithe forbartha na nÚdarás Áitiúil.
Iarratas
- Ní mór d’iarratasóirí pleananna cuimsitheacha a chur isteach chun stóir athluchtaithe a sholáthar, mionsonraí a thabhairt faoi na pointí athluchtaithe, conláistí, costálacha atá molta, agus faisnéis maidir le suíomh na saoráidí.
- Rithfidh an tréimhse le haghaidh iarratas a dhéanamh idir 17 Deireadh Fómhair 2024 agus 15 Eanáir 2025, agus tabharfar fógraí d’iarratasóirí rathúla in R1 2025.
- Ní mór gach aighneacht a chur isteach trí mheán www.etenders.gov.ie roimh mheán lae 15 Eanáir 2025.
Táthar ag ceapadh go mbeidh an bonneagar athluchtaithe nua a chisteofar faoin scéim seo curtha i mbun feidhme agus ar fáil d’úsáid ag an bpobal faoi mhí na Nollag 2025. Le tuilleadh eolais a fháil, íoslódáil bileog na scéime anseo:
Céim 1
I mí Feabhra 2024, sheol BIÉ agus ZEVI an chéad Scéim Deontais de chuid Feithiclí Astaíochtaí Nialasacha Éireann (ZEVI) um Bonneagar Athluchtaithe Feithiclí Leictreacha do Bhóithre Náisiúnta le haghaidh Feithiclí Saothair Éadroim (LDV). I mí Iúil 2024, d’fhógair an tAire Iompair Eamon Ryan suíomhanna 17 gcomhthiomsú athluchtaithe ardchumhachta nua atá le rolladh amach faoin scéim seo ar an nGréasán Bóithre Náisiúnta.
Tógfar 131 pointe athluchtaithe ardchumhachta san iomlán trasna 17 gcomhthiomsú athluchtaithe lena soláthraítear acmhainn athluchtaithe de 24,260 cileavata (24 meigeavata).
Le gach ceann de na comhthiomsuithe athluchtaithe sin soláthraítear bainc de phointí athluchtaithe Tapa agus Fíorthapa, ionas gur féidir le daoine a EVanna a luchtú go tapa. Gnó príobháideach a thógfaidh an bonneagar, agus deontas i gcabhair á thabhairt ag an Roinn Iompair dó sin. Ba iad seo na hiarratasóirí ar éirigh leo:
| IARRATASÓIR | AINM AN tSUÍMH | UIMHIR ACOMHAIL | PASÁISTE |
|---|---|---|---|
| Ríomhchumhacht | Baile Mhic Scanláin, Contae Lú | JN 18 | M1 |
| Ríomhchumhacht | Plás Phort Laoise, Contae Laoise | JN 17 | M7 |
| Applegreen Electric | Cnocán an Éin Fhinn, Contae Thiobraid Árann | JN 27 | M7 |
| Ríomhchumhacht | Plás Barack Obama, Contae Thiobraid Árann | JN 23 | M7 |
| Cicle K | Maigh Nuad, Contae Chill Dara | JN 7 | M4 |
| Applegreen Electric | An Muileann gCearr, Contae na hIarmhí | JN 15 | M4 |
| Maxol | Ráth Naoi, Contae Chill Mhantáin | JN 16 | M11 |
| Ríomhchumhacht | Plás Inse, Contae an Chláir | JN 12 | M18 |
| Applegreen Electric | Cluain Draighneach, Contae Luimnigh | JN 4 | M18 |
| Ríomhchumhacht | Plás Thuama, Contae na Gaillimhe | JN 20 | M17 |
| Ríomhchumhacht | Plás Gaillimhe, Contae na Gaillimhe | JN 16 | M6 |
| Applegreen Electric | Béal Átha na Sluaighe, Contae na Gaillimhe | JN 15 | M6 |
| Applegreen Electric | Baile Phóil, Contae Chill Chainnigh | JN 7 | M9 |
| Circle K | Cill Choileáin, Contae Chill Dara | Between JN 2 and JN 3 | M9 |
| Applegreen Electric | Dún Seachlainn, Contae na Mí | JN 6 | M3 |
| Applegreen Electric | Páirc Mhiondíolaíochta na hUaimhe, Contae na Mí | JN 9 | M3 |
| Weev | Óstán Pillo Chill Dhéagláin, Contae na Mí | JN 4 | M2 |
Scéimeanna Todhchaí
Táimid tiomanta do bhonneagar athluchtaithe EV a fheabhsú a thuilleadh, ag tacú le cumhdach cuimsitheach agus glacadh EV forleathan á spreagadh. Tá scéimeanna deontais LDV breise ar bord á bhforbairt agus leo sin féachfaimid le haghaidh a thabhairt ar aon réimsí den ghréasán lena n-éilítear tacaíocht bhreise.